បទ សិង្ហតោលេងកន្ទុយ (ពាក្យ៩)

កំណាព្យ: ជួបមិត្ដកវី (បទ «សឹង្ហតោលេងកន្ទុយ»)

ជួបមិត្តថ្មីក្នុងក្រុមចិត្ត    រឹតរូតរះ
មកប្រទះអ្នកកំណាព្យ    សាបស្រោចស្រព
ពេលបានឃើញថ្នាលបវរ   ទ្រទ្រង់ទ្រព្យ
ប្រពៃគាប់សែនមហារ   ចារចិត្តចង់។

 

សំបូរកវីប្រុសស្រី    ថ្លៃថ្នាក់ថ្នម
ប្រលោមបមចងស្នាដៃ    អ្វីអស់អង្គ
យើងពូជខ្មែរល្បីកំណាព្យ   ត្រាបត្រូវត្រង់
ជាតិគង់វង្សខាងវប្បធម៌     សស្ញប់ស្ញែង។

និពន្ធដោយ អូន លាងហេង

ថ្ងៃទី ៨ សីហា ២០១២

ម៉ោង ១៣:២៥នាទី រសៀល